Hádegisæfing í október - myndir
Það eru forréttindi að æfa á eins frábæru svæði og Ylströndin er – allt árið um kring. Ferska loftið, umhverfið, birtan, sandurinn, sólin, rigningin, grasið, hrá æfingatækin og svo auðvitað hrikalega ferskir og skemmtilegir æfingafélagar. Það er frelsandi að fara út að æfa þegar maður vinnur inni allan daginn, hvort sem er í hádeginu eða eftir vinnu og sumir eru orðnir háðir sjóböðum eftir æfingar.
Ef þú sem lest þetta heldur að fjölbreyttar styrktar- og úthaldsæfingar í fersku lofti með hvetjandi og skemmtilegum æfingafélögum sé eitthvað fyrir þig, hafðu þá samband við Völu yfirþjálfara, vala@kettlebells.is /696 1179. Við kennum þér á ketilbjöllurnar ef þú hefur ekki prófað þær áður og komum þér inn í hópinn á þínum hraða. Það geta allir æft hjá okkur og það er hægt að velja frjálst milli átta æfingatíma á viku.
Njótum lífsins!
