Við höfum nú verið með 8 fasta æfingatíma á viku á Ylströndinni í Nauthólsvík síðan í maí og æft þar í allan vetur án þess að missa úr æfingu. Æfingahópurinn er frábær! Málið er ekki flóknara en það. Þeir sem mæta á æfingar hafa gaman af því og það smitar út frá sér. Þetta er alvöru fólk sem fílar súrefni, átök og áskoranir. Og uppsker eftir því. Æfingarnar eru fjölbreyttar, enginn tími er eins. Sumir mæta í hádeginu, sumir seinni partinn, sumir blanda þessu saman. Æfingafélagar okkar geta mætt frjálst í alla tíma.
Þjálfararnir eru ólíkir, en allir með brennandi áhuga á ketilbjöllum og annars konar lifandi og “functional” æfingum. Með ketilbjöllunum notum mikið æfingar með eigin líkamsþyngd og lífræn æfingatæki (sem hafa líka annað hlutverk í lífinu, fyrir utan að nýtast vel til æfinga) eins sandpoka, sleggjur, stór dekk og kaðla. Svo auðvitað heimatilbúin æfingatæki, sbr. vatnspípuna frá Gauja og járnkylfurnar hans Hilmars.
Það er pláss fyrir nokkra í viðbót í hópinn okkar, ekkert óhemjumarga samt, við viljum vera með passlegan fjölda á æfingum. Líkamlegt form, aldur, stærð, kyn, atvinna, uppvöxtur eða stjórnmálaskoðanir skipta ekki máli – í okkar hópi er pláss fyrir alla. Það er að segja alla sem fíla ferskt loft, átök og skemmtilegar áskoranir!
Ef þú ert í þeim hópi og vilt prófa – smelltu línu á Völu, yfirþjálfara, vala@kettlebells.is eða hringdu, 696 1179 til að bóka prufutíma. Hún finnur strax tíma fyrir þig!
