Heimsókn ķ "Antas Fitness and Self Defence" ķ Miami | Skrifaš 27. Janśar 2009 kl. 17:15
Eftir 4 mánaða dvöl á Barbados í Karabíska hafinu, þar sem ketilbjöllur er ekki enn að finna, lá leið okkar til Miami. Þar hafa ketilbjöllur heldur betur numið land og við sáum því upplagt tækifæri til að heimsækja ketilbjölluþjálfara og fá innlit í hvernig æfingum er háttað þar.
Eftir að skoða ketilbjöllustaði Miami á netinu, sendum við tölvupóst á Julio Anta, en hann er eigandi klúbbs, http://www.miamikettlebell.com/ sem við vorum svo heppin að var nálægt hótelinu okkar. Julio svaraði póstinum fljótt, og bauðst meira að segja til að sækja okkur á hótelið og sýna okkur staðinn sinn.
Julio Anta hefur verið viðloðandi fitness-geirann í meira en 30 ár og hefur mikla og fjölbreytta reynslu. Hann hefur komið fram í fjölda sjónvarpsþátta og skrifað margar greinar í íþróttablöð. Í maíútgáfu Teakwondo times verður t.d. grein eftir hann um tengsl ketilbjalla og bardagaíþrótta.
Í kringum 1980 lá áhugi hans í vaxtarækt og hann vann nokkra titla í slíkum keppnum. Á þeim tíma skráði Anta sig í sjóherinn, og mætti til þjálfunnarinnar fullur sjálfstraust, enda vöðvamikill með afbriðgum. Í stuttu máli má segja að egóið hafi tekið mikla dýfu þegar hann áttaði sig á því að hann var mun verr í stakk búinn til að takast á við þjálfunina, sem samanstóð af praktískum æfingum eins og að klifra kaðla, komast yfir háa veggi, sprett- og langhlaup og að skríða undir hindranir. Þessa upplifun segir hann hafa verið sín fyrsta „eye opening experience", þegar hann áttaði sig á gildi hagnýtrar þjálfunnar á móti tækjaþjálfun og einangrandi æfingum. Hann hefur farið á óteljandi námskeið, og það eru um fjögur ár síðan hann fór á námskeið hjá Kettlebellkoncept og fékk þjálfararéttindi hjá þeim.
Hann er gríðarlega hrifinn af bjöllunum og þá sérstaklega nefnir hann hversu vel þær þjálfa allan líkamann í heild. Hann tekur dæmi því til sönnunnar, að þegar gömul bakmeiðsli taka sig upp (sem þau gera t.d. ef hann reynir BJJ, honum til mikillar armæðu, því hann er mjög hrifinn af þeirri íþrótt), þá getur hann alls ekki æft með bjöllunum, en getur án nokkurra vandræða sest í tækin í líkamsræktarstöð þarna nálægt og gert æfingarnar í þeim. Tækin reyna ekkert á bakið, og þá spyr hann: Og hvaða gagn gera þau þá annað en að stækka vöðvana, án þess að gera líkamann í heild sinni sterkari. „Kettlebells are more the way life is" segir Anta.
Stöðin sem Anta á og rekur er lítil, einungis einn salur, en fjölbreytileikinn er þar í fyrirrúmi. Í salnum eru ýmis „leikföng" til þjálfunnar, ketilbjöllur, indian clubs (sem eru keilur, mismunandi þungar), boltar, hindrunarbrautadót og margt fleira. Í stöðinni eru fjölmargir tímar í boði, en allir eiga þeir það sameiginlegt að gefa hagnýta þjálfun. (Pilates, MMA, BJJ/Judó).
Anta bauð okkur að koma í tíma sem hann var að kenna um kvöldið, tíma sem hann kallar X-FT, en það stendur fyrir Extreme Functional Training. Þessi tími hefur þróast úr því að vera Kick box tími, yfir í að vera tími sem byggist á aðferðum hans sjálfs í eigin þjálfun. Í tímanum notar hann bodyweight æfingar, ketilbjöllur, Indian clubs, bolta og fleira.
Þegar við mættum um kvöldið var tími í gangi þar sem verið var að kenna sjálfsvarnaraðferðir gegn árás með byssu. Fólk var parað saman, annar var með leikfangabyssu og átti að hrópa hátt „stick em up!!". Þetta fannst okkur dálítið skrítið að sjá, en væntanlega tímar sem fólk álítur nauðsynlega, því það var fullur salur af nemendum. Töluvert færra var í X-FT tímanum, en Anta útskýrði að margir væru enn ekki komnir í gang eftir jólafrí. Hann byrjaði upphitunina á Indian clubs, við fengum léttar keilur og æfingarnar voru gerðar til að hita upp öll stærstu liðamót með sveiflum. Mjög þægilegar og áhugaverðar æfingar, sem verða erfiðari með meiri þyngdum. Hér mynd af keiluæfingu:
Svo tóku ketilbjölluæfingar við og það var alveg hreint svakalega gaman að æfa með bjöllunum aftur. Anta setti fyrir æfingar sem fólk átti að gera, við byrjuðum á one-hand-swing 20/20x3 og það mátti taka pásu milli umferða. Fólk var í mjög mismunandi formi og með mislanga reynslu af bjöllunum, svo þetta hentaði vel. Næsta æfing var deck squat með eina bjöllu og round the body 1 hring hvora átt, 10x og gera átti 3 umferðir.
Eftir þetta setti Anta upp fjórar bjöllur í röð, tvær raðir; eina með 32kg, 24kg, 16kg og 12kg og hin með 16kg, 12kg, 8kg og 4kg. Velja átti aðra röðina, við völdum þá þyngri og svo átti að byrja á þyngstu kúlunni, gera 20 snöggar hnébeygjur og halda kúlunni í beinum slökum handleggjum (þannig að hún hangi bara í manni), færa sig svo á næstu kúlu, endurtaka ef maður gat 20 hnébeygjur og koll af kolli. Maður fékk pásu meðan bíða átti eftir hinum, og farnar voru tvær umferðir. Það var mjög misjafnt hvort fólk gat klárað 20x í öllum fjórum þyngdum, sumir voru orðnir svo þreyttir í fótleggjunum að þeir gátu bara 4x með léttustu kúlunni. Við fulltrúar Íslands stóðum okkur með prýði, en það er óhætt að segja að harðsperrur hafi látið á sér kræla eftir þessa æfingu :)
Eftir tvær umferðir af þessum snöggu hnébeygjum, átti að gera eina umferð af „good mornings" 20x, byrja á þyngstu og enda á léttustu, mátti fækka endurtekningum ef þurfti og hérna þurfti auðvitað að halda bakinu alveg beinu og passa að hætta ef það reyndist erfitt. Svo var endað á teygjum. Eftir tímann leið okkur mjög vel og ég hélt aðeins áfram að leika mér með bjöllurnar, tók smá turkish get up, nokkrar snatch og clean´n´jerk. Virkilega gaman. Einn af mönnunum fór að spyrja okkur út í muninn á RKC og AKC stílnum, svo ég datt í smá kennslu, alveg óvart :;
Við þökkum Julio Anta fyrir frábærar móttökur, það er ómetanlegt að fá innsýn í þjálfun í öðrum löndum og gaman að sjá hversu margir möguleikar eru á að byggja upp góða tíma með ketilbjöllunum, og í raun er það bara ímyndunarafl þjálfarans sem er eina hindrunin.
Thank you Julio!